Siglir tar il cuntegn

Regiunal CB Schlarigna – clera victoria en il derbi

Gist cun 6:0 ha il CB Schlarigna gudagnà il segund derbi da ballape da questa stagiun cunter il CB Scuol.

Il club da ballape da Schlarigna resta la meglra equipa da ballape en Engiadina. Il CB Schlarigna ha er gudagnà il segund derbi da questa stagiun en quarta liga – e quai gist cun 6:0 cunter il CB Scuol. Suenter l’emprima mesadad eri anc 1:0 a favur dal patrun da chasa.

Il CB Schlarigna s'ha mussà sco favurit

En il derbi cunter il CB Scuol ha Schlarigna fatg il proxim pass. Suenter la sconfitta cunter il CB Surses vuleva Schlarigna puspè turnar sin la via dal success. Cun la clera victoria en il derbi è quai grategià a l’equipa da l’Engiadin'Ota. Fertant che Schlarigna ha mantegni il contact cun la testa da la tabella en quarta liga s'occupa il CB Scuol gia uss cun la relegaziun. Per restar en quarta liga duvrass il CB Scuol numnadamain ina miracla.

RR Sportissimo 17:00

Artitgels legids il pli savens