-
Bild 1 von 7. Dario Cologna avant la stagiun a Tavau – tegna ses ventrigl? Bildquelle: Keystone.
-
Bild 2 von 7. Gianluca Cologna è in dals sprinters ferms. El aveva stuì far ina pausa da trenament pervi dad in’operaziun da la spatla. Bildquelle: Keystone.
-
Bild 3 von 7. Laurien van der Graaff spera era da far ina buna parita als campiunadis mundials a Lahti. Bildquelle: Keystone.
-
Bild 4 von 7. Er per Curdin Perl è la cursa da 50 kilometers dals campiunadis mundials a Lahti. Bildquelle: Keystone.
-
Bild 5 von 7. Jöri Kindschi ha lavurà fitg vid la tecnica e vul era currer cun dapli curaschi. Bildquelle: Keystone.
-
Bild 6 von 7. Sco ses collegas grischuns vul er Toni Livers far furori en la cursa da 50 kilometers dals campiunadis mundials a Lahti. Bildquelle: Keystone.
-
Bild 7 von 7. Jonas Baumann siemia da pudair cumbatter per ina medaglia en in'equipa cumplainamain rumantscha. Bildquelle: Keystone.
Dario Cologna, Toni Livers e Curdin Perl numnan tuts la medema cursa sco gronda finamira da la stagiun da passlung. Els vulan far furori en la cursa da 50 kilometers dals campiunadis mundials a Lahti.
Ina victoria en la cursa roiala dal sport da passlung è il sulet grond success che manca anc en la lunga glista da success dal traidubel campiun olimpic Dario Cologna.
La prevista sin la stagiun da passlung
Sche tut va bain è la staffetta svizra ina staffetta rumantscha
Ensemen cun ses collegas Cologna, Livers e Perl siemia Jonas Baumann dad in success en la staffetta da 4 x 10 km a Lahti. Baumann siemia da pudair cumbatter per ina medaglia en in'equipa cumplainamain rumantscha. I dovria dentant ina cursa optimala da tut ils quatter passlungists per ch’il siemi daventia realitad.
Era en il sprint èn ils Grischuns present
Cun Gianluca Cologna, Jöri Kindschi e cun Laurien van der Graaff ha il Grischun era ina ferma equipa da sprint. Jöri Kindschi ha lavurà fitg vid la tecnica e vul era currer cun dapli curascha.
Intginas dumondas datti davart la furma da Gianluca Cologna ch’ha stuì far ina pausa da trais mais perquai ch’el ha stuì laschar operar ina spatla.
Da Laurien van der Graaff èn ins gia endisà ch’ella fa buns resultats en la cuppa mundiala. Quest enviern spera el dentant era da far ina buna parita als campiunadis mundials a Lahti. A concurrenzas grondas è quai anc mai grategià ad ella.
RR actualitad 06:00