-
Bild 1 von 5. Trenament chavaltgar a Zuoz. Bildquelle: RTR, Roman Dobler.
-
Bild 2 von 5. Trenament chavaltgar a Zuoz. Bildquelle: RTR, Roman Dobler.
-
Bild 3 von 5. Chavaltgar sin plazza da sablun. Bildquelle: RTR, Roman Dobler.
-
Bild 4 von 5. Plazza Concours hippique Zuoz. Bildquelle: RTR, Roman Dobler.
-
Bild 5 von 5. Ladina Tarnuzzer, presidenta Concours hippique Zuoz. Bildquelle: RTR, Roman Dobler.
Gia per la 49avla giada ha lieu questa fin d’emna il «Concours hippique» a Zuoz. La concurrenza da chavaltgar ha ina gronda tradiziun ed attira puspè numerus amis dal sport da chavaltgar. La concurrenza ha ina durada da quatter dis. Tar la concurrenza spetgan 20 differentas provas.
Novum per la presidenta Ladina Tarnuzzer
Dapi quest onn è Ladina Tarnuzzer da Samedan la nova presidenta dal comité d’organisaziun. Per ella eran bleras chaussas novas. Durant la preparaziun sin la concurrenza a Zuoz ha ella dentant savì far quint cun l'agid da tschels commembers dal comité d’organisaziun, dentant era da blers voluntaris che gidan ch'il concours ha success.
20 provas entaifer quatter dis
Il «Concours hippique» a Zuoz porscha insatge per mintgin. Ventg differentas provas stattan sin il program. Concurrenzas nua ch'ils chavals han da siglir sur obstachels da 90 fin a 135 centimeters. Il punct culminant da la concurrenza è segir il Grond Premi da la vischnanca da Zuoz.
RR Sportissimo 17:00