Legenda:
Armon Orlik (sanester) è vegnì terz cun 57,50 puncts.
Keystone
cuntegn
Regiunal - Cranz per Orlik e Clopath
Il lutgader da la Turgovia, Daniel Bösch, ha gudagnà per la 5avla giada en seria la festa da lutga songagliaisa a Walenstadt. Quai n'è anc mai grategià ad in lutgader. In cranz hai era dà per ils dus lutgaders grischuns Beat Clopath ed Armon Orlik.
Insumma ha la stagiun da lutg cumenzà tenor giavisch per Armon Orlik. Il lutgader da Maiavilla ha gudagnà dapi primavaira gia la festa da lutga a Fläsch, e sco punct culminant fin ussa, la festa da lutga dal chantun Turitg a Wädenswil. Quai era la prima victoria dad ina festa da lutga chantunala per Armon Orlik.
Fin a l'atgna festa da lutga ad Aschera dura quai bain anc in mument, dentant gia ussa èsi cler che Armon Orlik vul mussar ina buna prestaziun als fans dal sport da tradiziun en il Partenz.
