-
Bild 1 von 2. Cuira festivescha la victoria cunter Arosa, ina victoria buna er per la morala. Bildquelle: Il club da hockey da Cuira vid festivar in gol.
-
Bild 2 von 2. Arosa dat oda maun ils 3 puncts cunter il rival da Cuira. Bildquelle: EHC Cuira ed EHC Arosa en il derbi grischun d'emprima liga.
L’EHC Cuira ha uschia pudì mussar ina reacziun suenter las duas terradas cunter Oberthurgau e Seewen. Per ils d’Arosa èsi stà ina dira terrada, pertge els manavan anc curt avant la fin cun 3:1. Bun 4 minutas avant la fin ha Andi Camichel pudì egualisar per Cuira ed en la terza minuta da la prolungaziun ha Pierino Bigliel decidì la partida cun il 4:3. Uschia perda Arosa per la terza gia en seria en quest campiunadi 2016/2017.
Il derbi grischun tranter Cuira ed Arosa è ina gia dapli stà in derbi intensiv cun bleras emoziuns, quai avant 1’350 fans en il stadion da hockey a la Obere Au.
Cuira ed Arosa entamez la tabella
En la tabella sa chatta l’EHC Arosa sin il 6avel plaz cun 7 puncts ord 5 gieus. Cuira ch’ha dà in gieu pli pauc è sin il 6avel plaz cun 6 puncts. A la testa figureschan Frauenfeld e Bülach cun 12 puncts.
Sonda, ils 8 d’october, vai gia vinavant cun la proxima runda. L’EHC Arosa dat a chasa cunter l’EC Wil ed l’EHC Cuira frunta ordaifer sin l’EHC Wetzikon.