Segund è vegnì Jöri Kindschi da Tavau e terz Linard Kindschi da Tavau. Il mountainbiker Nino Schurter ch'è era sa participà al Planoiras, è vegnì 18avel.
Tar las dunnas ha gudagnà la vallesana Rahel Imoberdorf, segunda è vegnida Sandra Wagenführ da Tavau e terza Claudia Schmid da Lucerna. La cursa dals juniors Planorino (12,5 kilometers) ha gudagnà Janis Baumann dad Igis, avant Andras Durrer da Vilters e David Belz da Cuira.
-
Bild 1 von 6. Il victur Curdin Perl (1), ensemen cun il segund Jöri Kindschi (10) e Linard Kindschi (38). Bildquelle: RTR, Federico Belotti.
-
Bild 2 von 6. Dapli che 450 passlunghistas e passlunghists èn sa participads al Planoiras. Bildquelle: RTR, Federico Belotti.
-
Bild 3 von 6. Curdin Perl il victur en l'arrivada. Bildquelle: RTR, Federico Belotti.
-
Bild 4 von 6. L'aura è stada magnifica. Bildquelle: RTR, Federico Belotti.
-
Bild 5 von 6. Tar l'arrivada hai dà musica da gugga. Bildquelle: RTR, Federico Belotti.
-
Bild 6 von 6. Stefan Durisch ch'abita a Razén è in dals paucs ch'è sa participà a tut las cursas dal Planoiras. Bildquelle: RTR, Federico Belotti.
Bilantscha positiva
Suenter che la cursa ha pervi da la mancanza da naiv ils davos trais onns stuì vegnir fatga sin in viadi circular da quatter rundas a Lantsch, è la cursa da dumengia stada sin il traject original. 477 passlunghistas e passlunghists èn sa participads al 33avel Planoiras. Ils organisaturs fan ina bilantscha positiva: Il president dal comité d'organisaziun Urs Baselgia ch'è era sa participà a la cursa ed è vegnì 35avel ha ditg:
Tge vulain nus dapli, l'aura è stada exellenta, nus avain gì blers participants e cun Curdin Perl e Rahel Imoberdorf victurs prominents.
RR Sportissimo 17:00