Per il passlungist jauer vegn quai ad esser sia emprima cursa suenter la blessura ch'el ha gì a la penultima etappa dal Tour de ski. Persuenter desista Cologna da la Marcialonga en l'Italia ch'era atgnamain sin ses program da cursa. Dasper Dario Cologna èn da la partida il victur da l'onn passà Curdin Perl ed era l'anteriur passlungist da la cuppa mundiala Remo Fischer. Il maraton da la Surselva è questa dumengia, ils 31 da schaner en la regiun da Sedrun-Mustér.
RR novitads 12:00