La decisiun da la segunda partida dal final dal playoff croda pir dumengia, pervia da la panna cun il glatsch la davosa giada a Grüsch.
Suenter 60 minutas era la segunda partida dal final dal playoff en la segunda liga stada a fin, dentant betg perquai che la partida tranter Partenz-Signuradi e Dürnten fiss stada decidida. Ina fora en il glatsch ha sfurzà da suspender la partida.
La partida sco tala aveva cumenzà nausch per ils Grischuns, suenter 45 secundas ha Dürnten sajettà il 0:1. Fin la 27avla minuta ha Partenz-Signuradi dentant pudì ir cun 3:1 en avantatg. Curt avant la fin dal segund terz han ils giasts dentant anc pudì egualisar al 3:3.
En il davos terz ha mintga squadra anc sajettà in ulteriur gol, uschia ch’ina prolungaziun fiss stada necessaria. Pervi dals problems cun il glatsch ha l’arbiter dentant suspendì la partida.
RR Novitads 06:00