Suenter avair pers la sonda passada a chasa 2:4 encunter il EHC Wallisellen, haja reagì la suprastanza da l’EHC San Murezzan, rapporta la EP/PL sin sia pagina en la rait. Uschia haja la suprastanza relaschà il trenader Adrian Gantenbein. Gian-Marco Trivella, l’assistent da fin qua, vegn a manar la squadra en proxim temp, sustegnì dad Adriano Costa.
En la tabella da la segunda liga ost, gruppa 2 è l’EHC San Murezzan actualmain cun 7 punct gist avant il stritg sin plazza otg. Dad otg gieus giugads ha l’EHC pudì gudagnar dus, pers tschintg gieus sur temp regular ed in suenter prolungaziun.
-
Bild 1 von 3. Adrian Gantenbein en intervista cun RTR. Bildquelle: RTR, David Spinnler.
-
Bild 2 von 3. Il trenader discuta la strategia cun ses giugaders. Bildquelle: RTR, David Spinnler.
-
Bild 3 von 3. L'anteriur trenader en acziun. Bildquelle: RTR, David Spinnler.
Il proxim gieu da l’EHC San Murezzan è als 26 da november a Scuol encunter il Club da Hockey Engiadina. Quel è actualmain penultim da la segunda liga ost, gruppa 2.
RR novitads 09:00