La halla «Lust» a Maiavilla è ina normala halla da gimnastica. Avant mintga gieu da chasa han ils commembers dals Alligator Malans dentant da transfurmar questa halla en ina pitschna arena d'unihockey.
Nus investin bun 100 uras da lavur en questa transfurmaziun.
Il club d'Alligator Malans ha radund 500 commembers. Per organisar gieus da chasa en ils playoffs, che vegnan anc mussà live sin SRF, dovri in grond engaschi da tuts.
Nus essan ina famiglia e tuts lavuran per che nus savain restar in grond numer en l'unihockey svizzer.
Situaziun sportiva
Alligator Malans è en retard en la seria da mezfinal cunter GC cun 2:3. Il grond siemi dal club è da sa qualifitgar per il superfinal che ha lieu ils 27 d'avrigl a Kloten. Per far quest pass dovri uss dentant duas victorias en roda. Emprim la sonda a chasa e lura anc glindesdi da Pasca ordaifer a Turitg.
Gia sa qualifitgà per il final è Wiler-Ersigen. Els han gudagnà la seria cunter il rival chantunal da Köniz cun 4:1.
RR sportissimo
