Per ils aspectaturs saja la plievgia nagin problem, manegia Hanspeter Buchli. Ils fans fidaivels dal sport da lutga na laschian betg starmentar da l’aura. Cun purtar bun resti vegnian quels era sch’igl plova, manegia igl anteriur lutgader. Plinavant hajan els procurà per bler plazs sitgs en las 2 tendas. Supplementarmain vegnan els a cuvrir las vias principalas sin igl areal cun zinslas da lain, per ch’igl na dettia nagina lozza.
Als vairs aspectaturs da lutga na fa in zic plievgia nagut.
Era per ils lutgaders na saja l’aura nagin problem. Impurtant saja sulettamain, ch’ils lutgaders na stoppian betg star tranter las lutgas en il fraid ni bletsch. A Flem han els la pussaivladad da sa preparar sin la proxima lutga en las localitads da la scola, ch’è gist sper l'areal da festa.
La festa da lutga grischun-glarunaisa a Flem è dumengia, ils 12 da zercladur 2016. Las emprimas lutgas èn da las 08:00, la davosa lutga (Schlussgang) vegn ad esser enturn las 17:00. Il Radio Rumantsch è era da la partida e rapporta direct da Flem en ils Sportissimos suenter las 12 e suenter las 17.
-
Bild 1 von 11. Per il confort ed il bainstar dals aspectaturs vegn procurà. cun tendas, maisas e bauns, tribunas e natiralmein cuschina ed ustaria. Bildquelle: RTR, U. Lechmann.
-
Bild 2 von 11. Sin questas maisas da premis vegnan plazzai premis. en la valita da rodund 100'000 francs. Bildquelle: RTR, U. Lechmann.
-
Bild 3 von 11. Las tribunas ed ils bauns enturn ils rintgs. porschan plaz a varga 2'000 aspectaturs. Bildquelle: RTR, U. Lechmann.
-
Bild 4 von 11. Igl anteriur lutgader Hanspeter Buchli. è in dals organisaturs da la festa da lutga a Flem. Bildquelle: RTR, U. Lechmann.
-
Bild 5 von 11. La gronda tenda da festa. nua ch'ils aspectaturs san star sut tetg sch'igl plova. Bildquelle: RTR, U. Lechmann.
-
Bild 6 von 11. La signalisaziun n'astga betg mancar,. per che mintgin chatta quai ch'el tschertga. Bildquelle: RTR, U. Lechmann.
-
Bild 7 von 11. En las duas tendas pon ils aspectaturs. star a sitg, discurer e maglair e baiber ensatge. Bildquelle: RTR, U. Lechmann.
-
Bild 8 von 11. Ils 4 rintgs da resgim per la festa da lutga. nua ch'ils lutgaders cumbattan per la victoria. Bildquelle: RTR, U. Lechmann.
-
Bild 9 von 11. Questa ustaria è, sco ins vesa,. vegnida decorada dals chatschadurs da la regiun. Bildquelle: RTR, U. Lechmann.
-
Bild 10 von 11. Avunda plaz per star a sitg ha igl sin igl areal. da la festa da lutga. Bildquelle: RTR, U. Lechmann.
-
Bild 11 von 11. Igl areal, che sa numna "Prada da balluns",. e gist sper la scola da Flem. Bildquelle: RTR, U. Lechmann.