Legenda:
Il giugaders da Schluein Glion durant in trenament anc senza il nov giugader naziunal, Benoît Lang.
MAD
cuntegn
Regiunal - In giugader naziunal per Schluein Glion
L’Uniun sportiva Schluein Glion cumenza la nova stagiun cun in giugader naziunal. I sa tracta da Benoît Lang. Il defensur da 31 onns ha dà ils davos onns sco profi en la terza divisiun da l’Indonesia.
Il giugader ch’è naschì en il Camerun è in anteriur giugader naziunal dal Luxemburg ed ha schizunt dà quella giada cura ch’il Luxemburg aveva battì la Svizra a Turitg cun 2:1.
Suenter sia carriera sco profi en l’Asia ha Lang tschertgà lavur en sia professiun oriunda sco installatur sanitar. El ha chattà lavur en Surselva ed è daventà giugader da Schluein Glion.
Sonda a las 5 dat Benoît Lang a Schluein encunter Triesen ses emprim gieu da la nova stagiun da la 2. liga regiunala.
