Tge buob che fa lutga na siemia betg da vegnir ina giada uschia ferm sco ils retgs da lutga Matthias Sempach, Killian Wenger o Jörg Abderhalden. Er quels han entschet da buobs a far la lutg, sco quels che participeschan questa fin d'emna a la lutga da Chapella a S-chanf.
Gronda delegaziun dal chantun Sviz
En tut participeschan passa 50 buobs a la lutga da Chapella. Annunziadas èn en tut 5 delegaziuns: uschia ch’i dat ina delegaziun dal club da lutga da Cuira, ina da Landquart, ina dal club da lutga dal Partenz lura er dal club indigen, da la Societad da lutga Engiadinaisa. La delegaziun la pli gronda, cun quasi 20 buobs, vegn dentant dal club da March-Höfe dal chantun Sviz.
Societad da lutga nascha
Cumenzà ha tut cun in per babs, amis da la lutga. Els han entschet cun la lutga da Chapella avant bun 10 onns. Lura è l'eveniment vegnì adina pli grond. Ins ha vesì che l’interess e qua da porscher quest sport er en l’Engiadina. Or da la lutga da Chapella è lura er naschida la Societad da lutga Engiadinaisa il 2011 ed il tschaler da lutga ch’i dat dapi lura en il center da sport Serlas a S-chanf.
-
audioEntira emissiun da la festa da lutga Chapella a S-chanf29:00 min, ord Sportissimo dals 22.08.2015.laschar ir. Durada: 29 minutas.
-
audioSportissimo: Jon Fadri Carpanetti, in dals trenaders04:32 min, ord Sportissimo dals 22.08.2015.laschar ir. Durada: 4 minutas 32 Secundas.
-
audioSportissimo: La lutga ord vista da la maisa dals arbiters04:40 min, ord Sportissimo dals 22.08.2015.laschar ir. Durada: 4 minutas 40 Secundas.
-
audioSportissimo: Discurs cun la mamma d’in lutgader, Madlaina Locher05:48 min, ord Sportissimo dals 22.08.2015.laschar ir. Durada: 5 minutas 48 Secundas.
-
audioSportissimo: Bilantscha da la festa da lutga da Chapella06:37 min, ord Sportissimo dals 22.08.2015.laschar ir. Durada: 6 minutas 37 Secundas.
-
audioBunura: La festa da lutga da Chapella a S-chanf04:45 min, ord Actualitad dals 22.08.2015.laschar ir. Durada: 4 minutas 45 Secundas.