Per mintga lutgader grischun è la lutga da Sertig sur Tavau impurtanta. La lutga è sper il sportiv era ina chaussa dal cor. Sche pussaivel èn il lutgaders grischuns da la partida tar la lutga sin passa 1’800 meters sur mar. Questa giada èn var sessanta lutgaders activs da la partida, vitiers vegnan era circa tschient buobs.
Delegaziun grischuna cun Battaglia, Schlegel e Reber
Ursin Battaglia e Sandro Schlegel èn ils lutgaders grischuns cun la pli gronda experientscha. Els dus vegnan segir ad empruvar da metter si il bul a la festa. Il pli ferm lutgader grischun Armon Orlik na vegn dentant betg ad esser da la partida tar la lutga da Sertig. Orlik è anc adina ferì. Sper Battaglia e Schlegel che vulan gudagnar la festa è era Marcel Reber in da quels lutgaders cun gronda experientscha. Per el èsi la davosa lutga sco activ ed uschia la lutga da cumià.
RR Sportissimo 17:00
