El ha impressiunà pitschen e grond a la festa da lutga federala ad Estavayer – Orlik Armon. Il lutgader da 21 onn ha cuntanschì la lutga finala ed è uschia turnà a chasa cun in cranz federal.
Legenda:
Armon Orlik mussa co lutgar endretg.
RTR, A. Wieland
2 / 10
Legenda:
Ils uffants vid sa stgaudar.
RTR, A. Wieland
3 / 10
Legenda:
Avant ch’ir en il resgim èsi da trair en las chautschas da lutga.
RTR, A. Wieland
4 / 10
Legenda:
Las chautschas da lutga èn prontas.
RTR, A. Wieland
5 / 10
Legenda:
Edi Philipp ed Armon Orlik demonstreschan la lutga.
RTR, A. Wieland
6 / 10
Legenda:
Armon Orlik vid far in exercizi cun ils uffants avant il cumbat.
RTR, A. Wieland
7 / 10
Legenda:
Armon Orlik ed uffants vid trenar la musculatura dal chau.
RTR, A. Wieland
8 / 10
Legenda:
Metter en dies l’adversari cun agid d’Armon Orlik.
RTR, A. Wieland
9 / 10
Legenda:
In dir cumbat tranter ils pli pitschens.
RTR, A. Wieland
10 / 10
Legenda:
Era ina pausa fa mintgatant bain.
RTR, A. Wieland
Per blers è Armon Orlik, il retg dals cors ad Estavayer, daventà in star en il sport da lutga e per ils entschaviders, oravant tut ils Grischuns, in idol.
30 uffants en il resgim
La gievgia saira, l’emprim da settember, han uffants da 6 enfin 15 onns pudì far in fufragnadi tar Armon Orlik en il resgim ed emprender d’enconuscher l’ABC dal sport da lutga. Passa 30 uffants han visità il tschaler da lutga a Vaz Sut, là nua ch’ils lutgaders dal Club Unterlandquart treneschan. Durant in’ura e mesa han Armon Orlik ed anteriurs lutgaders dà tips e trics da lutga, ma er mussà e declerà la cultura da quest sport.
audio
Reportascha fufragnadi da lutga cun Armon Orlik
03:57 min, ord Sportissimo dals 02.09.2016.
laschar ir. Durada: 3 minutas 57 Secundas.
Cun las emprimas experientschas en il resgim e cun ina carta d’autogram han ils uffants bandunà fieu e flomma il tschaler da lutga a Vaz Sut. E tgi sa, forsa gudogna in dad els in di in cranz ad ina festa da lutga federala...
