Legenda:
Curridras e curriders da passlung al maraton da skis engiadinais 2016 – il 2017 da nov era cun cursa da notg.
Keystone
cuntegn
Regiunal - Maraton da skis engiadinas – 2017 da nov cun cursa da notg
Tar la proxima ediziun dal maraton da skis engiadinais datti per l'emprima giada er ina cursa da notg. Latiers absolveschan ils participants ina cursa da 17 kilometers tranter Segl e Puntraschigna.
Sco quai ch'ils organisaturs communitgeschan saja la finamira da la cursa supplementara da far pli attractiva l'emna da maraton. Plinavant sperian ins che las curridras ed ils curriders passentian uschia dapli dis en l'Engiadina, quai che fiss d'avantatg ord vista turistica.
L'emprima cursa da notg dal maraton da skis engiadinais è ils 9 da mars 2017, partenza a las 19:00 a Segl.
