Il sursilvan Nino Schurter ha gudagnà quella gia per la quarta giada, Jolanda Neff per la segunda giada en seria. Mo enstagl da far gronda festa e suenter far vacanzas e ruassar dals strapazs, treneschan omadus gia puspè.
Trenament en l'Engiadina
Nino Schurter e Jolanda Neff sa preparan en l'Engiadina sin il campiunadi mundial ch'è en 10 dis ad Andorra. Là vulan ils dus mountainbikers da classa realisar la stagiun perfetga e gudagnar aur. Per realisar quella finamira trenescha Schurter a San Murezzan e Neff sin il pass dal Bernina.