Siglir tar il cuntegn
Seraina Ulber da Cuira (san.) cunter Andrea Streiff da Dietikon (dre.) (maletg d'archiv).
Legenda: Seraina Ulber da Cuira (san.) cunter Andrea Streiff da Dietikon (dre.) (maletg d'archiv). Keystone

Regiunal Piranha Cuira en il superfinal

Las dunnas da Piranha Cuira han fatg in ulteriur pass en direcziun tschintgavel titel da campiunessas svizras d’unihockey en seria. La sonda saira han ellas battì a chasa Zollbrück gist cun 7:2 e gudognan uschia la seria da mezfinal dals playoffs cun 3:1.

L’emprim gieu aveva Cuira anc pers cunter Zollbrück. Lezza squadra vegn dal reminent trenà d’Aldo Casanova ch’è ordiund da Mustér. Suenter ha Piranha Cuira dentant gudagnà trais gieus en seria.

Uss ha la squadra la schanza sin il tschintgavel titel en seria. Tgi che gudogna quest titel vegn puspè decis en in singul gieu – en il superfinal.

Il superfinal munta ch’i na dat nagina seria da playoffs en il final, mabain be in gieu; e quel decida. Cunter tgi che Dietlikon dat quei gieu n’è anc betg cler. En l’auter mezfinal stat quai actualmain 2:1 per Dietlikon. Igl è uschia bain pussaivel ch’i dat puspè in final tranter Piranha Cuira e Dietlikon, sco gia l’onn passà.

Sportissimo 12:00

Artitgels legids il pli savens