My Hockey League
En la My Hockey League han Cuira sco er Arosa giugà partidas ordaifer. L'EHC Cuira ha dà cunter Lyss e gudagnà cun 8:0. Cuira resta uschia a la testa dal classament.
Arosa è stà sin visita en il Giura tar il club da Franches-Montagnes. Da là è l'EHC Arosa turnà cun in 6:5. L'equipa è da nov sin rang 3 da la tabella.
Emprima liga
Il club da hockey Partenz Signuradi ha gudagnà cnap cun 2:1, ordaifer cunter il HC Delémont-Vallée. Omadus gols han ils da Partenz sajettà en l'emprim terz. Uschia restan ils Grischuns, ensemen cun Dübendorf che ha era gudagnà, a la testa da la tabella.
Segunda liga
En la segunda liga ha San Murezzan gudagnà cunter Illnau-Effretikon cun 4:3 suenter prolungaziun. Lai-Valbella n'ha laschà nagina schanza a Weinfelden, e fatg ina clera victoria da 9:3.