Siglir tar il cuntegn

Header

Il capitani da San Murezzan, Marc Wolf en acziun.
Legenda: Po festivar cun sia equipa ina victoria impurtanta: Il capitani da l'EHC San Murezzan, Marc Wolf. RTR/A. Caprez
cuntegn

Regiunal San Murezzan procura per il mezfinal grischun

L'EHC San Murezzan batta l'EHC Uzwil suenter sajettar penaltis cun 2:1 e sa qualifitgescha uschia per il mezfinal dals playoffs.

En la partida decisiva da la segunda liga ha l'EHC San Murezzan gudagnà ordaifer cunter l'EHC Uzwil cun 2:1 suenter sajettar penaltis. Tutgà per San Murezzan ha Gianni Donati. El ha fatg il sulet gol da penalty.

Uschia stat San Murezzan en il mezfinal da la segunda liga e fa cunquai perfetg il mezfinal grischun: L'EHC San Murezzan frunta numnadamain sin l'EHC Partenz-Signuradi.

Era Cuira gudogna

Ed anc in'ulteriura equipa grischuna è stada en acziun questa saira: en l'emprima liga ha l'EHC Cuira gudagnà ordaifer cunter Biasca la segunda partida dals playoffs dal mezfinal. Quai cun 3:2. En la seria "Best-of-Five" statti uschia pari 1:1.

RR novitads 23:00

RTR/um

Artitgels legì il pli savens

Nach links scrollen Nach rechts scrollen