Siglir tar il cuntegn

Regiunal San Murezzan va en avantatg

Il club da hockey da San Murezzan ha gudagnà il terz gieu da la seria da playoff cunter Schaffusa cun 5:3. En la seria mainan ils Engiadinais uschia cun 2:1 en la seria da best of five. I dovra anc ina suletta victoria. L'emprima schanza datti sonda ordaifer a Schaffusa.

giugaders da hockey en tenues mellens e blaus dattan sin il glatsch a Ludains, San Murezzan
Legenda: L'EHC San Murezzan ha nizzegià l'avantatg da chasa cunter Schaffusa. RTR, V.Rominger

Gia davent l'entschatta ha San Murezzan surpiglià il scepter ed ha manà suenter l'emprim terz cun 3:1. En il segund terz èsi lura gartegià da far il 4:1 avant che Schaffusa ha pudì scursanir sin 4:2. En il terz terz ha l'equipa indigena dentant pudì far cler la victoria, uschia che l'EHC San Murezzan ha avert la porta per far il pass en il mezfinal dals playoffs.

Partenz-Signuradi gia en il mezfinal

Gia sa qualifitgà per il mezfinal è il club da hockey Partenz-Signuradi. El ha gudagnà la seria cleramain cun 3:0 cunter il SC Rheintal. Il gieu da gievgia saira ha Partenz-Signuradi gudagnà gist cun 7:0.