Savognin - Alessandro Solèr al Swiss Bike Cup

audio

La reportascha cun Alessandro Solèr da Lumbrein

05:50 min, ord Sport ed actualitad dals 01.05.2022.

laschar ir. Durada: 5 minutas 50 Secundas.

Il giuven Lumnezian da 13 onns che frequenta la scola da talents a Glion tutga tar in dals ferms mountainbikers en sia categoria sut 15 onns (Mega U15). Quai ha el er mussà a la suletta cursa dal Swiss Bike Cup en il Grischun. Tar cundiziuns fraidas e bletschas ha Alessandro Solèr pers be quatter minutas sin il victur, ses collega Noé Forlin da Sargans. Tut en tut èn stads a la partenza passa 60 uffants en questa categoria.

1 / 11

Legenda: Igl è dumagnà. Alessandro Solèr en l'arrivada. Andreas Wieland

2 / 11

Legenda: La buglia – ina sfida per atlets e material. Andreas Wieland

3 / 11

Legenda: En il bus vid il spetgar sin la cursa. Andreas Wieland

4 / 11

Legenda: Betg mo cundiziun, er la tecnica è dumandada. Andreas Wieland

5 / 11

Legenda: Alessandro Solèr cun il numer 1510 sin la rolla. Andreas Wieland

6 / 11

Legenda: Alessandro Solèr è cuntent cun sia prestaziun en la buglia da Savognin. Andreas Wieland

7 / 11

Legenda: Alessandro Solèr cun la giacca oranscha vid il spetgar sin il «call up». Andreas Wieland

8 / 11

Legenda: Alessandro Solèr vid vegnir a chaud per la cursa. Andreas Wieland

9 / 11

Legenda: Paucas secundas avant il tun da partenza. Andreas Wieland

10 / 11

Legenda: Alessandro Solèr è sa tegnì durant l'entira cursa sut ils top 10. Andreas Wieland

11 / 11

Legenda: Alessandro Solèr vid analisar la cursa cun il victur Noé Forlin. Andreas Wieland

RTR ha accumpagnà il giuven mountainbiker da Lumbrein a quest di da cursa. Malgrà la mal’aura e la buglia è Alessandro Solèr cuntent cun sia prestaziun. El saja sin buna via, ha el manegià en l’arrivada. La finamira ed il siemi saja da sa participar in di a cursas da la cuppa mundiala.

Legenda: Alessandro Solèr (13 onns) da Lumbrein. Andreas Wieland