Siglir tar il cuntegn

Header

Alessandro Solèr
Legenda: La cursa a Savognin – ina sfida per mintgin. Andreas Wieland
cuntegn

Savognin Alessandro Solèr al Swiss Bike Cup

La finamira è stada da cuntanscher in plaz sut ils top 10, sco gia tar l’emprima cursa dal Swiss Bike Cup mez mars a Rickenbach en il chantun Lucerna. A Savognin è Alessandro Solèr da Lumbrein vegnì 8avel.

audio
La reportascha cun Alessandro Solèr da Lumbrein
aus Sport ed actualitad vom 01.05.2022.
abspielen. Laufzeit 5 minutas 50 Sekunden.

Il giuven Lumnezian da 13 onns che frequenta la scola da talents a Glion tutga tar in dals ferms mountainbikers en sia categoria sut 15 onns (Mega U15). Quai ha el er mussà a la suletta cursa dal Swiss Bike Cup en il Grischun. Tar cundiziuns fraidas e bletschas ha Alessandro Solèr pers be quatter minutas sin il victur, ses collega Noé Forlin da Sargans. Tut en tut èn stads a la partenza passa 60 uffants en questa categoria.

RTR ha accumpagnà il giuven mountainbiker da Lumbrein a quest di da cursa. Malgrà la mal’aura e la buglia è Alessandro Solèr cuntent cun sia prestaziun. El saja sin buna via, ha el manegià en l’arrivada. La finamira ed il siemi saja da sa participar in di a cursas da la cuppa mundiala.

Alessandro Solèr
Legenda: Alessandro Solèr (13 onns) da Lumbrein. Andreas Wieland

RTR actualitad 17:00

Artitgels legids il pli savens

Scrollar a sanestra Scrollar a dretga