La meglra equipa da ballape engiadinaisa, il CB Schlarigna, pussibilitescha er questa stad puspè in trenament tut spezial. En collavuraziun cun la scola da ballape da Borussia Mönchengladbach, han uffants da la regiun l’occasiun da trenar sco ils profis. Uffants da sis fin quattordesch onns san profitar dals trics dals trenaders da juniors da Borussia Mönchengladbach. Ensemen pon els trenar tenor las metodas da la squadra da la Bundesliga tudestga.
Trenar sco Nico Elvedi e Jonas Omlin
La scola da ballape da Borussia Mönchengladbach visita plirs lieus en Svizra, Schlarigna è l’unic lieu en il Grischun. Durant trais dis vegn mussà ad uffants interessads l’amulain dal ballape. Durant trais dis han els la pussaivladad da trenar sut cundiziuns professiunalas. Sper il trenament datti mintga di er gieus da ballape per ils uffants. Uschia duai vegnir sveglià tar ils uffants e giuvenils il plaschair vi dal ballape.
CB Schlarigna è osp da la scola da ballape da Mönchengladbach
Adina puspè pussibilitescha il CB Schlarigna differents champs da trenament. Adina puspè er champs da trenament, nua ch'ils trenaders d'ina «gronda» equipa vegnan en la regiun. La squadra da Borussia Mönchengladbach è ina da las fermas equipas da la Bundesliga. La stagiun 2019/2020 aveva l’equipa dals giugaders svizzers Nico Elvedi e Jonas Omlin terminà sin plazza quatter e s’ha uschia qualifitgà per la fasa da gruppa da la Champions League.
