Schluein Glion e Cuira 97 han cumenzà bain

Meglier n’avess la nova stagiun betg pudì cumenzar per ils dus clubs grischuns en la 2. liga regiunala. Schluein Glion ha inaugurà ses nov stadion cun ina victoria da 4:1 cunter Triesen.

Schluein Glion batta Triesen cun 4:1. Bild in Lightbox öffnen.

Legenda da maletgs: Schluein Glion batta Triesen cun 4:1. RTR

700 aspectaturs han vis ils dus gols dal capitani Ramon Derungs al 1:1 ed al 2:1. Suenter pausa ha Carlo Bearth procurà cun 2 ulteriurs gols per il resultat final dad 4:1 per l'equipa dad Urs Casutt.

Cumenzà bain ha era l'equipa relegada da Cuira 97. Cuira, che vul turnar immediat puspè en la 2. liga interregiunala, ha battì ordaifer Rorschach cun 3:1.

En la 3. liga ha l'equipa nov promovida da Panaduz pers l’emprim gieu a chasa encunter Bogn Ragaz cun 1:2.

Suenter la relegaziun da la 2. liga regiunala, ha il club da ballape da Domat entschet oz suentermezdi il campiunadi dal a 3. liga. E Domat ha entschet cun in festival da gols. Gist cun 6:0 ha l'equipa dal trenader e president Walter Frizzoni gudagnà a Trübbach.

Las ulteriuras equipas grischunas han tuttas gudagnà l’emprim gieu dal nov campiunadi.

Tusaun-Cazas – Sargans, 3:1.

Valposchiavo Calcio – Flums, 3:2

Cuira – Sevelen, 2:1.

Pir glindesdi saira dat Vaz sut encunter Balzers.

RR sportissimo 17:00