Siglir tar il cuntegn

Header

video
Nino Schurter ed Andrin Beeli: 2 favorits sursilvans al cup mundial da mountainbike a Lai.
Or da Telesguard dals 03.07.2015.
laschar ir
cuntegn

Regiunal Schurter e Beeli dus favurits a Lai

Quella fin d’emna beneventa Lai ils megliers mountainbikers dal mund. Al pe dal Corn Cotschen cumbattan ils mountainbikers per puncts e victorias da la cuppa mundiala.

Far gronda furora a Lai vulan oravant tut ils Svizzers che s’audan en las cursas da cross-country tranter ils gronds favurits. Il star è senza dubi Nino Schurter. Il matador local emprova da gudagnar a Lai sia emprima cursa da la cuppa mundiala en questa stagiun. En las emprimas duas cursas a Nove Mesto en Tschechia ed ad Albstadt en Germania è Schurter mintgamai vegnì segund, ina gia davos il tschec Jaroslav Kulhavy ed ina gia segund davos il franzos Julien Absalon ch’è er a Lai il grond rival da Schurter.

Beeli tar ils U23 e Neff tar las dunnas

Far ina buna figura avant ils fans da chasa vul tranter auter er Andrin Beeli da Sagogn che parta en la cursa dals U23. Il mountainbiker da 20 onns ha bunas regurdientschas da Lai. Avant dus onns è el vegnì là campiun svizzer dals juniors.

Tar las dunnas è la gronda favurita Jolanda Neff. La Svizra è actualmain il grond star e la clera numera 1 en il sport da mountainbike. Tut igl auter ch’ina victoria da Neff che trenescha adina puspè a Lai fiss ina surpraisa.

Program cursas da cross-country, dumengia ils 5-7-2015:

  • 09:00 uras – cursa dals giuvens U23
  • 11:15 uras – cursa d’elita da las dunnas
  • 14:15 uras – cursa d’elita dals umens
  • 16:30 uras – cursa da las giuvnas U23

Artitgels legids il pli savens

Scrollar a sanestra Scrollar a dretga