Il Grischun Nino Schurter manchenta la victoria tar la cursa da la cuppa mundiala dal mountainbike a Lai. Schurter è stà 33 secundas pli plaun ch'il Tschec Jaroslav Kulhavy. Terz vegn in ulteriur Tschec Ondrej Cink che ha distanzià il Svizzer Mathias Flückiger per duas secundas.
Gia en las cursas a Nove Mesto (Tschechia) ed Albstadt (Germania) è Schurter vegnì segund. Fin trais rundas avant la fin è Schurter stà ensemen cun il victur olimpic Kulhavy. Lura ha in defect a la roda davos franà il Grischun da 29 onns.
RR novitads 16:00
sda/hs