La biatleta grischuna, Selina Gasparin, è da la partida a la cursa da passlung populara Planoiras. Sco l’organisaziun da marketing da Lai ha communitgà, va era l’um da Gasparin, l’anteriur passlunghist d’elita, Ilia Chernousov, al start. Per Selina Gasparin è quai l’emprima cursa suenter la naschientscha da ses segund uffant.
La cursa da passlung Planoiras da 25 km vegn manada tras per la 34avla giada ils 13 da schaner 2019 en la regiun da Lai. Spetgads vegnan var 400 passlunghistas e passlunghists. Schebain anc ulteriurs passlunghists vegnan a participar a la cursa , n'è anc betg enconuschent. Fin ils 11 da schaner a las 12:00 èsi anc pussaivel da s'annuziar online per la cursa Planoiras.
RR novitads 12:00