La nova seria «Missiun Pee Wee» da RTR accumpogna dus giuvens talents dal HCD sin lur via al pli prestigius turnier da la generaziun giuvna dal mund – il turnier Pee Wee a Québec en il Canada.
Gianluca Andri (*2012) da Panaduz e Demian Casutt (*2012) da Falera fan part da la partiziun giuvna dal HCD. La fin dal 2024 han els stuì cumbatter cunter auters giugaders per survegnir ina plazza tschertgada en il team da Pee Wee. Per els dus è quai stà in'experientscha speziala plain emoziuns.
La seria – a partir dal 20-12-2025
Stuì prender la decisiun tgi ch'è en il team e tgi betg, ha Michel Riesen, legenda dal HCD ed anteriur giugader da la NHL.
RTR è exclusivamain da la partida, cura ch’i vegn decidì tgi che vegn en il team, e dat er in sguard en la cabina, nua che la legenda dal HCD Michel Riesen animescha, motivescha ed avra mintgatant er ils egls als giuvens giugaders.
En trais episodas captivantas a 26 minutas vesain nus co che giuvens talents daventan vairas persunalitads sin e sper il glatsch – e quant damanaivel ch’in siemi è tuttenina.
La seria na mussa betg mo il cumbat per il success, mabain raquinta era las istorgias davos las culissas – da famiglias che dattan tut, sur emoziuns che buglian fin a la dumonda: quant lunsch van ins per in siemi?