Siglir tar il cuntegn

Header

cuntegn

Sgular cun il parasgol Orlando Molinari ama da sgular cun las evlas

Dapi in decenni sgola Orlando Molinari cun il parasgol. El ama da far ils girs sco las evlas e da passentar temp en l’aria. Il pilot da Zernez sgola il pli gugent distanzas lungas.

Sgular sco in'evla sur pizza e vals. Quai è il siemi dad Orlando Molinari. Il manader da construcziun da Zernez passenta ses temp liber il pli gugent en l’aria. Sche pussaivel pachetescha el ses parasgol e va en in lieu nua ch'el po ir a sgular. Sin ses viadis en l’aria contempla el la natira ed ils animals or dad in'autra perspectiva – la perspectiva dals utschels.

audio
Orlando Molinari e sia passiun da sgular
ord Actualitad dals 06.07.2022.
laschar ir. Durada: 3 minutas 44 Secundas.
Nus pilots schain che la taila da plastic dal parasgol è la taila da noss siemis
Autur: Orlando Molinari parasgulader

Dapi passa diesch onns pilot

L’onn 2009 ha Orlando Molinari cumenzà cun il sport da parasgular. Dus onns pli tard ha el fatg la patenta sco pilot da parasgol. Fin al di dad oz ha Orlando Molinari fatg numerus sgols. Il pli gugent sgola el distanzas lungas, ensemen cun ses amis.

Jau hai pudì sgular in pèr giadas cun l’evla u cun il girun. Quai è ina sensaziun.
Autur: Orlando Molinari parasgulader
video
Parasgular a Scuol
Or da RTR dals 06.07.2022.
laschar ir. Durada: 25 Secundas.

Empruvar da far quai ch'ils utschels fan

Per savair sgular cun il parasgol ston ins savair leger l’aura. Las nivlas pon magari dar infurmaziuns co che la situaziun è en l’aria. Infurmaziuns pon ins dentant er leger da las randulinas u dad auters utschels. Las randulinas sgolan per exempel magari aut per tschappar insects. Dentant er l’evla u il girun. Sch'ins ha ina giada la schanza u la fortuna da sgular cun quests animals è quai ina sensaziun.

RTR actualitad 17:00

Artitgels legids il pli savens

Scrollar a sanestra Scrollar a dretga