Siglir tar il cuntegn

Header

L'equipa da Partenz Signuradi da la stagiun 2015/2016.
Legenda: L'equipa da Partenz Signuradi da la stagiun 2015/2016. hc-praettigau.ch
cuntegn

Regiunal Sin via directa en il mezfinal?

En ils playoffs da la segunda liga n’ha la meglra equipa grischuna, Partenz Signuradi, anc mai pers. L’emprima seria encunter Bellinzona ha Partenz Signuradi dominà e gudagnà cleramain cun 3:0.

Era en la seria dals quartfinals n’ha Partenz mai pers. L’equipa grischuna è cun 2:0 en avantatg encunter Chiasso e sa far questa saira tut clar. Cun in’ulteriura victoria encunter Chiasso fiss Partenz Signuradi da la partida en il mezfinal.

San Murezzan cun l’emprima victoria ad Uzwil?

I dat en egl. San Murezzan, la segund’equipa grischuna che è anc en ils playoffs da la segunda liga, gudogna adina las partidas da chasa. Almain en ils playoffs da quest on è quai uschia. San Murezzan ha gudagnà encunter Illnau las partidas da chasa, e lura er la partida decisiva en la halla dad Illnau.

Ed era encunter Uzwil ha San Murezzan puspè gudogna la partida da chasa. Questa saira ha l’equipa engiadinaisa ina ulteriura schanza da gudagnar ina giada or da chasa ad Uzwil

Playoff 1/4 final segunda liga ost

Equipa
Victorias
Equipa
Victorias
Dürnten Vikings
Kreuzlingen-Constanza
3
0
Partenz-Signuradi
Chiasso
3
0
Uzwil
San Murezzan
2
2
Herisau
Küsnacht
1
3
Modus: Best of five


Program

Avrir la box Serrar la box

Las partidas tranter Uzwil e San Murezzan, sco era il gieu tranter Partenz Signuradi e Chiasso èn questa saira a partir da las 20:00. Reacziuns datti damaun bun’ura en l’emissiun d’actualitad.

Artitgels legids il pli savens