Snowboard - Lunga pausa per Nevin Galmarini pervi d'operaziun
Il snowboardist alpin Nevin Galmarini sto laschar operar al dies. Sch'il campiun olimpic da 32 onns po anc sa participar quest enviern ad occurenzas, n'è betg enconuschent.
Gia il favrer passà ha il campiun olimpic stuì terminar la stagiun anticipadamain pervi da mal il dies. Uss n'è er la preparaziun sin la stagiun d'enviern vegninta betg gartegiada.
Durant il trenament en Svezia èn ils problems da sanadad s'accentuads. Per evitar problems a lunga vista saja Galmarini sa decis en cunvegnientscha cun ses medis da laschar operar uschè spert sco pussaivel, scriva Swiss-Ski.
