Grazia a la tecnologia snowfarming – cun la quala ch'ins ha danovamain pudì conservar in mantun naiv da la stagiun passada – è vegnida averta ils 26 d'october ina loipa da 4 kilometers lunghezza al pe dal Flüela.
Stars sco Dario Cologna, juniors, ma er ils passlunghists da hobby dastgan ir sin la loipa. Per ch'i na dettia betg in dischurden èsi dentant reglà tgi che dastga ir cura sin la loipa.
Quai è fitg bel da pudair trenar avant isch-chasa.
Actualmain èn mintgadi plirs 100 curriders da vesair sin la loipa. Atlets da l'entira Europa. Da la Svizra, Italia, Frantscha, Russia, Norvegia, Germania u er da la Slovenia
Norbert Gruber - il bab dal «snowfarming»
Engraziar che las atletas ed atlets san gia trenar sin naiv, dastgan ils profis oravant tut ad ina persuna - Norbert Gruber. El è manader dal lavuratori communal ed ha purtà il 2008 il «snowfarming» a Tavau. El è loschs, sch'el patratga con blers stars ch'èn actualmain sin «sia» loipa.
Nus avain plirs campiuns olimpics e campiun mundials qua a Tavau. Quai fa schon superbi.
Actualmain chattan ins Norbert Gruber adina puspè sper loipa. El vul savair, quant cuntents ch'ils atlets èn cun la loipa. Pervia dal favugn e la plievgia ha quella numnadamain patì. Uschè grev sco quest onn saja anc mai stà, di Norbert Gruber. Emprim hajan els gì il favugn, uss la plievgia. La finamira saja dentant da tegnair si dretg la loipa fin ch'i dettia l'emprima naiv natirala u fin ch'els possian far naiv artificiala cun ils chanuns.
RR actualitad 07:00