-
Bild 1 von 6. Sofia Schmed è sin buna via da far carriera en il sport da ballape. Bildquelle: Andreas Wieland.
-
Bild 2 von 6. Bildquelle: Andreas Wieland.
-
Bild 3 von 6. Sofia ensemen cun ils geniturs Silvia e Silvio Schmed. Bildquelle: Andreas Wieland.
-
Bild 4 von 6. Bildquelle: Andreas Wieland.
-
Bild 5 von 6. Sofia Schmed ensemen cun il trenader Nicola Carroccia (Team Südostschweiz U13). Bildquelle: Andreas Wieland.
-
Bild 6 von 6. Bildquelle: Andreas Wieland.
Nus dunnas avain era il dretg da dar ballape.
Cumenzà ha tut en curtin a Dardin
Vegnida tar il ballape è Sofia Schmed en emprima lingia entras ils dus frars gronds Livio e Pascal che dattan sezs er activ ballape. Gia baud ha la giuvna pudì ir a trenar cun l’US Danis-Tavanasa, sia equipa da chasa. Il talent ed il plaschair da dar ballape ha dentant manà la giuvna gia baud en la Bassa. Dapi quest onn frequenta Sofia la scola da talents a Cuira per uschia pudair cumbinar anc meglier scola e sport. Sia finamira è da daventar profi da ballape e da giugar ina giada en la pli auta liga da ballape da dunnas en Svizra.
Sofia è ina ruassaivla e plitost schenada, ma sin la plazza da ballape po ella explodir.
Il ballape è dapli che mo in hobi
Sofia Schmed impunda fitg bler temp per sia gronda passiun, il ballape. Trais giadas ad emna trenescha ella cun l’equipa da la Svizra Orientala, magari er cun l’equipa da Son Gagl. Vitiers vegn il pli savens anc in gieu la fin d’emna. Grond sustegn survegn la giuvna da Dardin er dals geniturs Silvia e Silvio Schmed.
Sofia è senza cumpromiss sin la plazza da ballape. Qua ha gia inqual buob stuì patir.
Ina da las sulettas buobas sin sin la plazza
La giuvna Sofia Schmed è fascinada dal sport da ballape che vegn anc oz dominà dad umens. Tar l’US Danis-Tavanasa era ella la suletta buoba sin la plazza. Ed er tar l’equipa U13 da la Svizra Orientala è Sofia ina da las sulettas buobas. I na saja betg adina simpel cun tants buobs, ma quai na disturbia insumma betg, di la giuvna che dat en ina posiziun amez, ina posiziun clav tar mintga equipa da ballape.