Victorias e terradas, quai è mo ina part da la lunga istorgia da l'Uniun sportiva Danis-Tavanasa. En ses cudesch da 180 paginas rapporta Gabriel Derungs era dad interessants detagls istorics. Uschia ha l’uniun integrà gia tar la fundaziun l’onn 1942 las dunnas. In’ovra da piunier sch’ins patratga che la Svizra ha introducì pir bunamain 30 onns pli tard il dretg da vuschar da las dunnas. Insumma devi quai era vuschs criticas per las activitads da l’uniun. Betg tuts avevan plaschair ch’ils giuvens dettian ballape enstagl da lavurar e gidar ils geniturs durant quels grevs temps da guerra.
-
Bild 1 von 9. Protocol da la radunanza da fundaziun:. Extract da l'emprim protocol. Bildquelle: MAD.
-
Bild 2 von 9. L'US D-T l'onn da fundaziun 1942:. l'equipa dals fundaturs cun l'emprim president Balzer Derungs (davos dretg). Bildquelle: MAD.
-
Bild 3 von 9. Giugadurs dals emprims onns:. ina da las emprimas fotografias da l'US D-T. Bildquelle: MAD.
-
Bild 4 von 9. L'US D-T avant in gieu a Trun:. l'equipa avant in derby da la Cadi. Bildquelle: MAD.
-
Bild 5 von 9. Era il chant era ina part da l'US D-T:. commembras e commembras chantavan gugent. Bildquelle: MAD.
-
Bild 6 von 9. Juniors da l'US D-T 1971:. Era las frisuras dals juniors van à prà cun il temp. Bildquelle: MAD.
-
Bild 7 von 9. Promoziun en 3. liga 1967:. l'equipa che ha realisà l'emprima promoziun en 3. liga. Bildquelle: MAD.
-
Bild 8 von 9. Promoziun en 3. liga 1975:. l'equipa avant il gieu da promoziun. Bildquelle: MAD.
-
Bild 9 von 9. US D-T primavaira 2017:. actualmain dat l'US D-T en 4. liga. Bildquelle: MAD.
Betg mo ballape
Oz è l’Uniun sportiva Danis-Tavanasa enconuschenta en Surselva sco club da ballape. Oriundamain era l’uniun sco il num di in club polisportiv. Uschia vegniva era organisà cursas da skis ed ils commembers sa participavan a cursas e staffettas da currer ch’eran da quai temp popularas. Schizunt la cultura veva plaz en l’uniun, organisava ella per exempel era sairas da teater e da chant.
Festa da giubileum
Sonda, ils 26 d’avust 2017 vegn festivà il giubileum da 75 onns cun in turnier en dress istorics sin la veglia plazza da ballape Isletta a Tavanasa. La saira datti lura per commembras e commembers ina tschaina da gala en chasa da scola a Danis. Envidads èn era giugaders anteriurs, il pli enconuschent tranter quels è Pauli Friberg ch’ha giugà en la liga naziunala A tar Son Gagl, Wettingen e Lucerna. Cun l’equipa da la Svizra centrala è l’attatgader vegnì campiun svizzer.
Impressiuns dal passà or da l'archiv RTR:
RR actualitad 11:00