Currer il maraton da New York ni quel da Berlin – per pli e pli blers curriders è quai bagatellas. Per quels è schizunt il Swissalpine a Tavau cun ses 72 kilometers memia curts. L’alternativa sa numna «Ultra Trail Running»: anc pli lung, anc pli stip, anc pli alpin.
-
Bild 1 von 7. En acziun a l'Ultra Trail Mont Blanc. sin sendas alpinas. Bildquelle: MAD.
-
Bild 2 von 7. Ultra Trail Mont Blanc. en las Alps franzosas. Bildquelle: MAD.
-
Bild 3 von 7. Durant la notg. era David Venzin partì a l'Ultra Trail Mont Blanc. Bildquelle: MAD.
-
Bild 4 von 7. David Venzin. durant in trenament. Bildquelle: MAD.
-
Bild 5 von 7. Eiger Ultra Trail. cura ch'il sulegl è gest levà. Bildquelle: MAD.
-
Bild 6 von 7. Da brentina. al 4Trails en Germania. Bildquelle: MAD.
-
Bild 7 von 7. Fin al cunfin. al 4Trails en Germania. Bildquelle: MAD.
Currer e chaminar di e notg
In che fa da questas cursas che san cuzzar plirs dis è David Venzin da Rabius che viva gia dapi intgins onns en il chantun Berna. L’emna che vegn sa participescha el a l’Ultra Tour Monte Rosa en la regiun da cunfin tranter il Vallais e l’Italia. Il Monte Rosa cun il Piz Dufour è cun ses 4'634 meters sur mar la pli auta muntogna da la Svizra. 170 kilometers ed 11'300 meters differenza d’autezza en l’aria fina alpina spetgan sin el.
Coordinar ils basegns da la famiglia, la lavur ed il hobi
Duas fin trais giadas l’emna trenescha David Venzin. In da quels trenaments è per ordinari in pli lung che po cuzzar 4 fin 5 uras, era durant la saira u la notg. Uschia po quai era gartegiar da coordinar ils basegns da la famiglia, la lavur e ses hobi.
RR Sportissimo 17:00