Siglir tar il cuntegn

Header

audio
IBU Cup Lai: Ultima gronda occurrenza per Silvio Baselgia
Or da Actualitad dals 04.03.2022.
laschar ir. Durada: 5 minutas 43 Secundas.
cuntegn

Suenter passa otg onns Silvio Baselgia: «Il dretg temp per ir ina nova via»

Suenter passa otg onns banduna Silvio Baselgia la fin zercladur l’Arena da biatlon a Lai. Sco cumià presidiescha il maina-fatschenta da l’Arena anc ina giada il comité d’organisaziun da las cursas da la Cuppa IBU, ch’han lieu dals 3 fin ils 6 da mars.

Silvio Baselgia aveva surpiglià il november 2013 il post sco maina-fatschenta da la Nordic e Biatlon AG – da lezzas uras in’arena cun sulettamain in stan sajettar. Bun in onn pli tard ha l’Arena gudagnà Michael Hartweg sco investider principal e promotur dal project cun ina clera devisa: «Lai duai daventar il mecca dal biatlon en Svizra».

Ils davos onns è vegnì lavurà consequentamain e cun ina clera finamira a questa visiun sportiva, quai cun Silvio Baselgia sco maina-fatschenta. Il resultat: l’onn proxim dastga la regiun turistica da Lai manar atras per l’emprima giada il campiunadi d’Europa da biatlon e las emprimas cursas da la cuppa mundiala.

Arena da biatlon a Lantsch.
Legenda: Arena da biatlon a Lantsch. MAD

Il grond punct culminant suonda lura il 2025: En trais onns ha lieu en l’Arena da biatlon a Lai il campiunadi mundial da biatlon. E gia il prim da matg da quest onn daventa Swiss Ski l’acziunari principal da l’Arena ed ha uschia las hottas enta maun.

Silvio Baselgia, ch'ha lavurà bun dus decennis en la branscha da turissem e sport, mida en il sectur da segiradas.

RTR actualitad 12:00

Artitgels legids il pli savens

Scrollar a sanestra Scrollar a dretga