Siglir tar il cuntegn

Header

equipa da la USSI
Legenda: En il quart gieu dal champiunadi ha igl dà la sonda ils emprims 3 puncts per la US Schluein Glion. mad
cuntegn

Regiunal Suenter trais terradas ina victoria per Schluein Glion

Suenter 3 terradas en roda ha i dà la sonda saira l’emprima victoria da questa stagiun per l'uniun Sportiva Schluein Glion. Cun 1:0 han ils Sursilvans gudagnà ordaifer cunter il FC Ruggel. Ina victoria che fa bain.

Dapi ch’ils da Schluein Glion han fatg il pass en la segunda liga avant 3 onns, cumbattan els mintga onn cunter la relegaziun. E quai fin uss mintga giada cun success. Era quest onn vegn ins a stuair investir tut las forzas pussaivlas per restar en segunda liga. Cumenzà ha la stagiun mal cun 3 terradas en roda. La sonda saira ha i dentant dà in pau ina liberaziun, grazia als 3 puncts recaltgads ordaifer cunter il RC Ruggell. Uss è la USSI puspè sur il stritg, sin plazza 9.

Il motiv per las 3 terradas è segir era la fitg lunga glista d’absenzas. Blers giugaders èn blessads. Tscherts mancan l’entira stagiun, auters turnan forsa las proximas emnas en l’equipa. Uschia era il chapitani Ramon Derungs. Sper quellas absenzas ha iera dà uschiglio bleras midadas tar l’emprima equipa da la US Schluein Glion. Plirs giugaders han bandunà l’equipa, betg main che 8 giugaders èn vegni vitiers. Era pervia da quai ha i dà bleras midadas en l’equipa.

La victoria cunter Ruggell po uss franc purtar in zic ruassaivladad a l’equipa, la victoria fetschia fitg bain, manegia il giugader da Schluein Glion Gabriel Derungs. Era el ha sentì las bleras midadas ed absenzas, uschia ha il giugader offensiv stuì giugar la sonda sco defensur.

RTR/ul

Artitgels legì il pli savens

Nach links scrollen Nach rechts scrollen