Siglir tar il cuntegn

Header

audio
Reto Caviezel e Giusep Alig da Vrin – il duo lumnezian al Swiss Epic 2020
Or da Actualitad dals 18.08.2020.
laschar ir. Durada: 03:58 minutas.
cuntegn

Swiss Epic Giusep Alig: «Jau sun in chau dir»

Tranter ils passa 400 mountainbikers ch’èn ids a la partenza al Swiss Epic 2020 sa chattan era intgins indigens, intgins sportists rumantschs. Tranter quels Giusep Alig che parta ensemen cun Reto Caviezel. Els derivan omadus da Vrin e partan al Swiss Epic sut il num «Lumnezia Capricorns».

Giusep Alig ha 63 onns, stat curt avant la pensiun, è dentant fit sco in pesch. El è gia sa participà tschintg giadas al Cape Epic en l’Africa dal Sid, la pli dira e pretensiusa cursa da mountainbike insumma. Ussa dastga el cumbatter al Swiss Epic en sia patria, sin ses trutgs da chasa.

Per l’emprima etappa a Laax sur 60 kilometers cun bun 2'500 meters differenza d’autezza ha il duo lumnezian duvrà bun 5 uras e 40 minutas. I saja stà dir, dentant bellezza, uschia Giusep Alig.

Actualitad 17:00

Artitgels legids il pli savens

Scrollar a sanestra Scrollar a dretga