Siglir tar il cuntegn

Header

Navigaziun

Trofea dal campiunadi mundial da juniors
Legenda: Trofea dal campiunadi mundial da juniors RTR, Roman Dobler
cuntegn

Regiunal Talina Gantenbein – emprima stagiun sco profi

La skiunza da skicross Talina Gantenbein ha savì sa participar en ses emprim enviern sco profi da skicross a las cursas da la cuppa mundiala.

Dapi ils gieus olimpics da Vancouver l’onn 2010 è la disciplina skicross olimpica. Dapi lura stat la disciplina da trend era en in focus da la publicitad. Gest en Svizra era pervia dal success da Mike Schmid. Il sportist da Fruttigen en il chantun Berna era l’emprim campiun olimpic en questa disciplina. Dapi ils emprims success tutgan las atletas ed ils atlets svizzers tar ils megliers dal mund.

Dal ski alpin al skicross

Era la giuvna Talina Gantenbein da Scuol è vegnida dal ski alpin tar il sport da skicross. Suenter ch'ella ha empruvà ina giada questa nova furma dad ir cun skis è ella stada fascinada da quest sport. Cun ils success ch'èn vegnids tar Talina Gantenbein magari sperts è era creschida la motivaziun d'investir anc dapli temp en il sport da skicross.

Suenter la matura professiunala

La stad vargada ha la sportista da 20 onns terminà la matura a la scola da sport a Tavau. Ella è part dil cader A da Swiss Ski ed ha pudì far l’emprima stagiun sco sportista da professiun. L’emprima giada en sia carriera ha Talina Gantenbein savì focussar dal tuttafatg sin il sport. La stagiun è dentant stada difficila. Ina squassada dal tscharvè ha fatg dapli problems che spetga. Gia al principi da la stagiun ha ella manchentà cursas, ed uschia era il campiunadi mundial a Park City en ils Stadis Unids. La giuvna da Scuol ha dentant savì sa participar al campiunadi mundial da juniors sin la Reiteralm en l'Austria, nua che la sportista ha gudagnà la medaglia d'argient.

RR actualitad 17:30