Siglir tar il cuntegn

Header

audio
Cédric Steiner sa regorda vid sia premiera a Tavau Nordic il 2018
Or da Actualitad dals 13.12.2019.
laschar ir. Durada: 02:48 minutas.
cuntegn

Tavau Nordic «Jau hai bunamain fatg en las chautschas»

Avant in onn ha Cédric Steiner dà a Tavau ses debut en la cuppa mundiala da passlung. Per l’emprima giada ha il currider da 24 onns dastgà sa mesirar cun ils megliers dal mund, quai gist davant ses fans da chasa.

En il sprint è Cédric Steiner vegnì 51avel, en la cursa da 15 kilometers in di pli tard 52avel. Gugent avess el fatg in pass enavant quest onn a las cursas da Tavau Nordic. Pervia d'ina blessura è l'indigen dentant sfurzà da persequitar sias cursas da chasa a l'ur da la loipa.

Cédric Steiner
Legenda: Cédric Steiner è actualmain commember dal cader B da Swiss Ski. Keystone

Avant in onn saja el stà extrem gnervus, cura ch’el saja arrivà en il stadion a Tavau ed el haja bunamain fatg en las chautschas, di il giuven currider grischun. Ma el saja er stà surstà quantas persunas che hajan clamà ses num, quants che hajan insumma enconuschì el. Quai saja propi stà cool, di Cédric Steiner ch’è en il cader B da Swiss Ski.

Cédric Steiner vegn ord ina famiglia fitg sportiva. Il plaschair vid il passlung ha el oravant tut survegnì pervia da ses bab ch’è stà in biatlet passiunà.

RR actualitad 17:00

Artitgels legids il pli savens

Scrollar a sanestra Scrollar a dretga