Siglir tar il cuntegn

Regiunal Team da curling Flem è puspè cumplet

Il team da la dubla campiunessa mundiala Binia Feltscher è puspè cumplet. Danov en il team dal club da curling Flem vegnan Larissa Hari e Stefanie Berset.

halla da curling flem
Legenda: Il team da campiunessas è sa separà dacurt, uschia ch'il skip Bignia Feltscher ha gì da cumplettar el. RTR, Carlo Albin

Il club da curling da Flem cun il skip Binia Feltscher è puspè cumplet cun Larissa Hari (Adelbogen) e Stefanie Berset (Berna). Las giuvnas da 21 e 22 onns hajan giugà cun sucess en la pli auta liga da junioras svizras, communitgescha il club da curling Flem. La giugadra da fin qua Carole Howald daventa il nov vice-skip.

Il team da las campiunessas mundialas aveva decis da curt d'ir vias separadas. Irene Schori preschenta sco skip anc ses agen team per la proxima stagiun e Franziska Kaufmann è sa retratga dal sport da prestaziun insumma.

RR novitads 18:00