Siglir tar il cuntegn

Header

Um avant plaz da tennis
Legenda: Il CT Trun puspè en modus da trenar. Erich Decurtins, il president dil CT Trun. RTR
cuntegn

Tennis Nus avain spetgà vess

Dapi mez matg dastga puspè vegnir dà tennis. Sa chapescha cun sa tegnair vid baininqual mesira. Suenter corona ha la plievgia stedi impedì dad ir sin il plaz.

Dapi mez matg dastgan ins puspè dar tennis. A Trun, ch'ha in dals pli activs clubs en Surselva, adina puspè cun success naziunals, è vegnì spetga vess. E tuttina, conceda il president, Erich Decurtins, ch'ins haja sentì il respect e las retegnientschas pervia dal cornavirus cun tut sias prescripziuns. Il trenament scadin cas ha cumenzà pli tard ch'usità, senza il camp da trenament usità. L'ultim temp èsi dentant stà pli pauc corona ch'ha franà da trenar sin ils plazs da sablun, persuenter la plievgia.

Dentant vegn il club da tennis da Trun cun ses 100 creschids activs ed ils 30 uffants puspè en tempra, betg be da trenar, era da turnier. La fin d'emna dals 3 fin ils 5 da fanadur spetga il turnier da tradiziun, il Cup Crestas. Sa chapescha era cun inqual prescripziun e mesiras da segirezza, igiena, distanza e glista da controlla da giugaders e visitaders. Ma era cun damain trenament, craja il president, che tensiun ed ambiziuns sajan garantidas.

RTR Sportissimo 18:00

Artitgels legids il pli savens

Ir a sanester Ir a dretg