Siglir tar il cuntegn

Header

cuntegn

Regiunal «Tgi che n'ha betg ambiziuns, na duess betg dar tennis»

Il club da tennis da Cuira dumbra 450 commembers. Ed era en la categoria d'umens sur 65 onns ha il club anc in'equipa che dat interclub – in'equipa da quatter umens ch'èn gia var 70 onns.

Reto Giamara (71), Eugen Herter (72), Peter Lüftl (72) e Valentin Arpagaus (75) – quatter umens sur 70 onns che han ina gronda passiun per il sport da tennis. Ensemen dattan els interclub en la categoria umens sur 65 onns.

Engaschi total

Sch'ils quatter seniors èn sin il plaz da tennis, lura n'èn els betg là per far patgific. Malgrà ch'els èn tuts sur 70, vegni cumbattì per mintga bal.

Nus essan tuts ambizius. Mintgin va sin il plaz per gudagnar.
Autur: Reto Giamara
Entras l'ambiziun che nus avain sin il plaz, vegn il gieu interessants.
Autur: Valentin Arpagaus

La concurrenza um cunter um è quai che fascinescha ils quatter seniors dal club da tennis da Cuira.

Tge è «Interclub»?

Personen-Box aufklappenPersonen-Box zuklappen

Il campiunadi d’interclub è la pli gronda concurrenza da tennis en Svizra. Var 800 clubs e 4300 equipas prendan mintg’onn part, quai en differentas categorias. En l'interclub na dat ins betg sco giugaders singul, mabain ins dat adina sco equipa (sumegliant a la cuppa Davis).

Gudagnar è bel - la cumpagnia dentant era

Sper tut la tactica, tut l'engaschi e tut la passiun per il tennis, na dastga ina chaussa betg mancar – la cumpagnia. Ils quatter seniors giaudan da pudair dar tennis anc en lur vegliadetgna e da pudair passentar temp ensemen.

Suenter il gieu, tuttina sch'ins ha gudagnà u pers, stain anc in mumentin ensemen.
Autur: Eugen Herter
Nus tegnain fit in l'auter.
Autur: Peter Lütftl

Ils quatter giugaders passiunai da tennis speran ch'els possian anc dar intgins onns tennis ensemen.

RR actualitad 07:00