Regiunal Titel da sprint per Gasparin e Cuenot

A Lantsch han Elisa Gasparin e Gaspard Cuenot gudagnà ils titels da campiuns svizzers en il sprint da biatlon.

Tar las dunnas ha la favurita or da l'Engiadina Elisa Gasparin finì la cursa avant Irene Cadurisch e Flurina Volken.

Tar ils umens ha Gaspard Cuenot battì il Grischun Serafin Wiestner e Martin Jäger, quai en absenza da plirs curridurs, sco Benjamin Weger, Mario Dolder u Eligius Tambornino, ch'eran pir grad turnads d'ina cursa internaziunala.