Siglir tar il cuntegn

Header

cuntegn

Tour de ski Vischnanca Val Müstair dat glisch verda

La vischnanca da Val Müstair da liber l’emprima transcha da la contribuziun per l’organisaziun dal Tour de ski en Val Müstair.

La vischnanca da Val Müstair as participescha cun totalmain 100’000.- francs a l’organisaziun dal Tour de ski en Val Müstair. La vischnanca è ensemen cun la Regiun ed il chantun Grischun in dals promoturs da las cursas da la cuppa mundiala a Tschierv. Pervia da la pandemia da corona ha il chantun decidì da spetgar cun sia contribuziun fin la fin da november. Sin quai han l’emprim era la vischnanca e la regiun decis da spetgar.

Problem da liquiditad

Pervia da la decisiun dal chantun da anc betg pajar è l’organisaziun dal Tour vegni en stretgas finanzialas. Sin quai ha ins contactà la vischnanca cun la dumonda da deliberar ina part, vul dir 50'000.- francs da la contribuziun, gia uss per esser liquid. Cun la decisiun da la vischnanca da Val Müstair ha l’organisaziun dal Tour uss la segirezza da planisar. Ella po cuntinuar cun la preparaziun da las cursas ch'èn planisadas dal 1. - 3. da schaner 2021.

Per tadlar curt e concis:

audio
Val Müstair dat glisch verda e daners
ord Actualitad dals 16.09.2020. Maletg: RTR
laschar ir. Durada: 1 minuta 10 Secundas.

RTR actualitad 17:00

Artitgels legids il pli savens