Siglir tar il cuntegn

Header

cuntegn

Triatlon a Tavau Urizis sforzan organisaturs da rumper giu cursa

La cursa da triatlon «Challenge Davos» è vegnida rutta giu – per ina giada betg pervi da corona, mabain pervi da l'aura. In ferm urizi ha fatg in stritg tras il quint dals organisaturs.

Bain eri la bun'ura gia frestg. Tuttina sajan ils organisaturs anc stads optimistics suenter la visita dal tschancun da cursa e suenter avair consultà la previsiun da l'aura. Uschia ha la cursa cumenzà tenor plan. Curt suenter èn las cundiziuns dentant sa midadas pervi d'in urizi a Tavau e sin il pass dal Flüela, scrivan ils organisaturs sin la pagina d'internet. Sinaquai hajan ils responsabels per la segirtad en l'aua e sin il tschancun da velo stuì reagir immediat e rumper giu la cursa, pervi da la segirtad dals participants.

«Challenge Davos» è ina da las fitg paucas cursas da triatlon ch'i dat quest onn.

audio
Per tadlar: Las novitads da las 14.00
ord RTR Audio dals 29.08.2020. Maletg: RTR
laschar ir. Durada: 3 minutas 46 Secundas.

RTR novitads 14:00

Artitgels legids il pli savens