Siglir tar il cuntegn
Inhalt

Regiunal Tut è pront per GC – il champiun da record trenescha a Schlarigna

Il champiun da record Svizzer, il Grasshopper Club Zürich, sa prepara durant in'emna a Schlarigna per la nova stagiun.

Legende: Audio Nicola Rogantini davart GC a Schlarigna abspielen. Laufzeit 03:00 Minuten.
03:00 min, Actualitad dals 02.07.2018.

Amez il campiunadi mundial da ballape en Russia patratgan las equipas da la Super League gia a la nova stagiun. Quella cumenza la fin d’emna dals 21 e 22 da fanadur. Fin lura as preparan las equipas Svizras en differents lieus sin la partenza dal nov campiunadi. Il campiun da record, il Grasshopper Club Zürich GC, fa quai durant quest'emna en l'Engiadin'Ota a Schlarigna.

Punct culminant: Gieu amical cunter Schlarigna

Durant l’emna da trenament en Engiadin'Ota dat l’equipa dal trenader Thorsten Fink er ina partida d'amicizia cunter il CB Schlarigna. Mardi ils 3 da fanadur mira l’equipa l’emprim il gieu da la naziunala Svizra cunter la Svezia. Silsuenter datti sin la plazza da ballape da San Gian il gieu d'amicizia tranter il CB Schlarigna e GC.

RR actualitad 17:50