Unihoc - Cuira relascha trenader Iivo Pantzar

Il club d'unihockey da Cuira relascha per immediat il trenader Iivo Pantzar. Il schef da sport, Sascha Eichelberger surpiglia ad interim. Sco la «Südostschweiz» rapporta, hajan ins decis ch'igl dovria midadas tar il team da trenaders da l'equipa che gioga en la liga naziunala A. Suenter 16 gieus hani be 10 puncts ed èn a la cua da la tabella. Il finlandais Iivo Pantzar è stà trenader a Cuira tranter 2015 e 2017 e puspè dapi l'onn 2019.