Ils dus trenaders Jani Westerlund e Mikael Fernström ston bandunar Piranha Cuira. Quai scriva il club dad unihockey sin sia pagina d'internet. La fin schaner era anc vegnì communitgà ch'il duo vegnia a bandunar Piranha cun la fin da la stagiun. Differenzas tranter il team ed ils trenaders impedeschian dentant da collavurar vinavant.
Il schef da sport, Daniel Darms ed il futur trenader Simon Zopf vegnian a surpigliar l'equipa fin la fin da la stagiun.