Gia avant in onn aveva Seraina Ulber, ch’ha giugà ils davos 14 onns per Piranha Cuira, annunzià ch’ella vegnia a terminar sia lunga carriera a la fin da la stagiun 2019/2020. Ma suenter quella fin abrupta vegnia ella anc a ponderar ina gia tge far, schebain metter il pal d’unihockey da la vart u anc pender vidlonder ina stagiun. Chalar ina carriera sin quella moda fetschia mal, uschia la sportista da 29 onns.
Intginas cifras ord il palmarès da Seraina Ulber:
- 14 stagiuns en il tricot da Piranha Cuira
- 7 titels da campiun svizzer cun Piranha Cuira
- 3 titels en la Cuppa Svizra cun Piranha Cuira
- campiunessa mundiala cun la naziunala svizra U19 il 2008
- 5 medaglias (2 gia argient e 3 giadas bronz) a campiunadis mundials
Ussa saja da far il meglier ord la situaziun actuala. La sanadad haja absoluta prioritad. En in tal mument na gioghia il sport nagina rolla di Ulber che resta il proxim temp a chasa e sa tegna vid las directivas dal Cussegl federal per dumagnar questa crisa da Corona.
Anfang Bildergalerie
Bildergalerie überspringen
-
Bild 1 von 5. Piranha Cuira – 7 titels da campiun svizzer dapi il 2010. Bildquelle: Keystone.
-
Bild 2 von 5. Ils duels encunter il rival, ils UHC Kloten-Dietlikon Jets (anteriur UHC Dietlikon) han procurà ils davos per gronda tensiun e dramatica. Bildquelle: Keystone.
-
Bild 3 von 5. Betg mo victorias e trofeas, er diras terradas tutgan tar la carriera da Seraina Ulber. Bildquelle: Keystone.
-
Bild 4 von 5. Seraina Ulber, er ina figura centrala en l'equipa naziunala. Bildquelle: Keystone.
-
Bild 5 von 5. Seraina Ulber ha sajettà gols durant passa in decenni per la naziunala svizra. Bildquelle: Keystone.
Ende der Bildergalerie
Zurück zum Anfang der Bildergalerie.